Ek khwaab aisa…

Palkon pe aisa ek khwaab sa hai
Beetein lamhon ka jaisa tarana sa hai
Un bhooli bhisri yaadon ke saaz ko chedta
Mano roshni bikherta koi nazrana sa hai
Palkon pe aisa ek khwaab sa hai

Aane wale palon ko choone ko bekaraar
Sapno ki duniya ko tatolte hue
Zindagi ki koi khuli kitaab sa hai
Palkon pe aisa ek khwaab sa hai

Teh karna chahte hain jo raaste hum
Un galiyon ka pata puchte hue
Koi nadiya ki dhara sa hai
Palkon pe aisa ek khwaab sa hai

Din raat chalke gir pade the hum
Andhere mein sahara deta
Kabhi na bujhne waali mashaal sa hai
Palkon pe aisa ek khwaab sa hai

Thak kar beech rah ruk jaane par
Sadiyon se vishwaas dilata
Kisi imaarat ki tarah khada bhi toh
Palkon pe aisa ek khwaab sa hai.

~Manu